அரிசிக்கு வருகிறது ஆபத்து- இயற்கை வேளாண் விஞ்ஞானி நம்மாழ்வார்.

நம்மாழ்வார்
துரையில் நடந்த தமிழ்நாடு முற்போக்கு எழுத்தாளர் சங்கத்தின் மாநாட்டில் பேசிய இயற்கை வேளாண் விஞ்ஞானி நம்மாழ்வார் " மத்தியிலும், மாநிலத்திலும் இருக்கும் இப்போதைய அரசுகள் மக்கள் நலனுக்கான அரசுகளாக இல்லை. ஜனநாயக நாட்டில் தேர்தல் நடைபெறுகிறது. வெற்றி பெற்று வருபவர்கள் மக்களுக்கு சேவை செய்வதற்கு பதில் பன்னாட்டு நிறுவனங்களில் ஏஜெண்டுகளாக சேவை செய்து வருகிறார்கள். கலையை ரசித்து பார்க்க கூடிய அளவிற்கு விவசாயிகளின் வாழ்க்கை இல்லை. அவர்களது வாழ்நிலை மோசமாக இருக்கிறது. கிராமப்புறங்கள் தரிசாகி வருகின்றன. நிலத்தை உழுத மாடுகள் இறைச்சிக்காக கொண்டு செல்லப்படுகின்றன.

சாலையோர மரங்கள் வெட்டி சாய்க்கப்படுகின்றன. நம்நாட்டின் வளம் முழுவதும் அயல்நாடுகளுக்கு ஏற்றுமதி செய்ய்படுகிறது. தமிழகத்தில் 10 ல் 4 பேருக்கு நீரிழிவு நோய் இருக்கிறது. புரட்சி என்பது சிவப்பாகத் தான் இருக்கும். பசுமையாக இருக்காது. தமிழத்தில் பசுைப்புரட்சி ஏற்பட்டு விட்டதாக சொன்னார்கள். அது எப்போது? தமிழத்தின் தேவை வெளி மாநிலங்களின் மூலமே பூர்த்தி செய்யப்படுகிறது. ஆறுகள் மாசுபடுத்தப்படுகின்றன. விவசாயிகளின் உழைப்பு சுரண்டப்படுகிறது. பதுக்கல் வர்த்தகம் நடைபெறுகிறது.
விவசாயிகள் நிலங்களை விற்று விட்டு நகரத்தை நோக்கி வந்து கொண்டிருக்கிறார்கள். மண்ணைப்பற்றியோ மக்களை பற்றியோ ஆட்சியாளர்கள் கவலைப்படவில்லை. தமிழகத்தில் உள்ள வேளாண் பல்கலைக்கழகங்கள் மான்சான்டே போன்ற வெளிநாட்டு விதை கம்பெனிகளின் ஆராய்ச்சிக்கூடங்களாக மாறி விட்டன. அரிசியிலிருந்து 12 பொருட்களை உற்பத்தி செய்யலாம் என்று கண்டறிந்திருக்கிறார்கள். ஆனால் அப்படி செய்வதற்கு வருங்காலத்தில அரிசி இருக்குமா என்பதே சந்தேகமாக உள்ளது. அரிசிக்கே ஆபத்து வரக்கூடிய சூழல் உள்ளது. இப்போது திராட்சை பழம் பூச்சிக் கொல்லி மருந்துகளால் நிரம்பி இருக்கிறது. திராட்சை பழங்களை உண்ணாதீர்கள்.
இவ்வாறு நம்மாழ்வார் பேசினார். என்ன நடக்குமோ இனி எதிர்காலத்தில்!
நமது கருத்து
நமது விவசாயிகள் விதைத்து வந்த பாரம்பரியமான நெல் ரகங்கள் அனைத்தும் கண்காட்சி பொருளாக மாறிவிட்டன. நாட்டு ரக நெல் விதைகளை இப்போது யாரும் விதைப்பதில்லை. இப்போது இருப்பவை பெரும்பாலும் வீரிய ரகங்கள் தான். இப்படி அனைத்திலும் புதிய கண்டுபிடிப்புகளும், வீரிய ரகங்களும் வந்துள்ளன. இவற்றை தாக்கும் பூச்சிகளை ,நோய்களை விரட்ட புதிய புதிய மருந்துகளை விவசாயிகள் வாங்கி குவிக்க வேண்டியதிருக்கிறது.

எல்லாவற்றையும் முடித்து விட்டு அறுவடை செய்த நெல்லை விற்பனைக்கு கொண்டு போனால் விவசாயிக்கு கிடைப்பது நாமம் தான் என்றே பொதுவான பேச்சு இருக்கிறது. இப்படி இருந்தால் யார் விவசாயம் செய்ய முன்வருவார்கள்? ஆக..அரிசிக்கு ஆபத்து தான் இனி!

7 கருத்துகள்: (+add yours?)

MANO நாஞ்சில் மனோ சொன்னது…

இந்தியா உருப்பட்ருமோ....

MANO நாஞ்சில் மனோ சொன்னது…

ஐ வடையும் எனக்கா.............

பெயரில்லா சொன்னது…

இந்தியா உருபட்ருமா -ன்னு கேட்கிற அறிவு ஜீவி... நீ முதல்ல விவசாயம் பண்ண தயாரா? சும்மா பொட்டி தட்டிகினு விவசாயி வயித்துல அடிக்கிறதே நீங்க தானே!

Thirumalai Kandasami சொன்னது…

ஹிந்தி - அறிந்தும் அறியாமலும்.

http://enathupayanangal.blogspot.com

கே.ஆர்.பி.செந்தில் சொன்னது…

ஊதுற சங்கை ஊதி வைப்போம் ...

vasan சொன்னது…

நாட்டின் ம‌ண் வ‌ளத்தை நிர‌ந்த‌ர‌மாய் ப‌சுமை புர‌ட்சி என்ற‌ பெய‌ரில் இழந்துவிட்டோம்.
இர‌சாய‌ன உர‌ங்க‌ளாலும், பூச்சிக் கொல்லி என்ற‌ ஆட்கொல்லி விஷங்க‌ளாலும் நோய் ப‌ர‌ப்பிக் கொண்டிருக்கும் இந்த‌ அழிவின் க‌ர்த்தாவாகிய‌ எம் எஸ் சுவாமி நாத‌ன் சிபின் ஐபினில் "வாழ்நாள் விருது" பெருகிறார். வாழ்வின‌ங்க‌ளை, வாழ்நிலைக‌ளை, வாழ்நில‌ங்க‌ளை அழித்து, அந்நிய‌ உர‌ம், விதைக‌ள் ம‌ற்றும் இர‌சாய‌ண விஷ‌ங்க‌ளை விற்கும் ஏஜெண்டுக்கு வாழ்நாள் சாத‌ண‌யாள‌ர் விருது. வெட்க‌ம்.

துரை வசந்த் சொன்னது…

வீடாகும் விவசாய நிலங்கள்,
நஞ்சாகும் மண் வளம்,
வீரியம் இழந்து நோய் நோடியால்
அவதியுறும் மனித இனம்.

இயற்கை விவசாயம், செயற்கை பூச்சி கொள்ளிமருந்துகளினால் ஏற்படக்கூடிய பேராபத்துகள் பற்றி விழிப்புணர்வு அனைவரிடமும் ஏற்படுத்துவது மிகவும் அவசியம்.

துரை வசந்த்..

காப்போம் வாருங்கள்

Be part of the solution Support WWF-India today